#गंपू_मिंमा

#गंपू_मिंमा


मिंमा हॉलमध्ये भाजी निवडण्यात गुंग...
गंपू तिथेच सोफ्यावर खेळण्याच्या ढिगाऱ्यात व्यस्त...
टीव्हीवर एका चँनलवर घोडदौडीचा कार्यक्रम...

तो पाहून अचानक ढिगाऱ्यातून खाली उतरून मिंमाच्या पाठीवर गप्पकन् स्वार होतो...गळ्यात हात अडकवून...

गंपू: मिंमा... मिंमा...
मी : हा बोल काय झालं..??

गंपू: "अडे... खौडा खौडा खौडा खौडा... ढिंप्..टाक्कम् खौडा....."

मी: 🙄मी अत्यंत टेन्शन मध्ये "क्काय्...." तू आधी मानगूट सोड माझं...उतर खाली..."

तो: दोन मिनिटांनी पुन्हा लांबून पळत येऊन धप्पकन् मिंमाच्या पाठिवरुन खांद्यावर चढून बसतो.... आणी माझे कान पकडून सुरु करतो... "लख्डी खी खौटी....खौटी का खौडा..... थोडा..खौडा.. खौडा...खोडा....ढिंप् टाक्क्म् खौडा.....

मिंमा: 🙄😓🤕"खौडा नाही रे घोडा... घोडा....आणी काय..ढिंप् टाक्क्म्........
अरे बाबा तु उतर रे मी नाहीये तुझा खौडा.... उद्या माझी हाडं मोडली तर तुझा टिफिन कोण बनवणार...?

तो: अजूनही टॉपफ्ल़ोअरवरुनच...एका हाताने माझी हनुवटी पकडून मान स्वताच्या हिशोबाने वळवून घेऊन ...वरुनच मोठ्ठे डोळे करत..
"मिंमा.... टिफ्फिन्??ववॉव्व्......यम्मी....टेश्शी.....एकटाच आतून आनंदाच्या उकळ्या फुटल्या सारखे तोंड "

🙄डँबिस्स्....बोलता येत नाही तरी बरोब्बर सुचवतोय उद्याच्या टिफिनमध्ये यम्मी टेस्टी दे...त्याचं यम्मी टेश्शी म्हणजे... काहीतरी गोड, बटरी,चिझी, चॉकलेटी टाईप्स.......
✍️@$m!

Comments

Post a Comment

Popular posts from this blog

माझ्या_जीवनावर_सर्वाधिक_प्रभाव_टाकणारी_स्त्री...."आई"

#जागतिक_महिला_दिनानिमित्त #माझ्या_जीवनावर_सर्वाधिक_प्रभाव_टाकणारी_स्त्री... "माझी आई" आजोबांची लाडकी 'शोभनी'.कागदोपत्री 'शोभा' असलेल्या तिनेही ते नाव आणी तो हक्क फक्त तिच्या वडिलांसाठी खास राखीव ठेवलेला. बाजी-मोहित्यांच्या गावच्या ऐसपैस घरात वाढलेली माझी आई मुंबईतल्या या खुराड्यात कशी रुळली तिचं तिलाच ठाऊक पण आली तेव्हा या टिचभर जागेतल्या पत्र्याच्या खोपट्यालाही घरपण आणलं तिने. शिवणकाम, भरतकाम, विणकाम शिकली होती. याच कोशल्याचा पुरेपूर उपयोग केला तिने. लहानपणी माझ्यासाठी कितीतरी प्रकारची झबली, पेटीकोट शिवले. तिने विणलेलं गुलाबी रंगाचं स्वेटर-कानटोपी..,, माझ्यानंतर माझ्या भावंडांनीही वापरलं. मग हळुहळु वस्तीतल्या आजुबाजूच्या लोकांकडूनही कपड्यांची कामं तिला मिळायला लागली. तेवढाच संसाराला हातभार म्हणून तीही अगदी हौसेने करायची. एक कला जोपासण्याचं साधन म्हणून बघायची. कापड कापून उरलेल्या चिंध्या सुद्धा सांभाळून ठेवायची. पण त्या ठेवताना.., कुठे कशासाठी वापरायच्या हे तिचं-तिचं आधीच ठरलेलं असायचं. मग त्याची कुठे दुपटीच शिव, कुठे पँचवर्कवाले पडदे, झालरीवालं उशीचं क...
Read more

#वृक्ष_वल्ली_आम्हा_सोयरे....

#वृक्ष_वल्ली_आम्हा_सोयरे.... दरवेळी गावाकडून येताना फुलझाडं, बिया वगैरे आणते. कालपण गुलाबाची फांदी घ्यायला विसरेन म्हणून सकाळीच  उजडत हातात विळा घेऊन काकीच्या परड्यात गेले. गुलाबासोबत मोगरापण घेतला छाटून. गुलाबाने हाताला खरचटलं. भाऊ मला वेडी म्हणाला. "मुंबईत मिळत नाहीत का गुलाबाची झाडं ? एवढा आटापिटा करुन ईथून नेतेय" म्हटला. ईथल्या गुलाबाला तो गावठी गुलाबाचा सुगंध येईना म्हणून तिकडूनच फांदी आणून लावायचा माझा हट्ट. मैत्रीण तर म्हणे "खोटी फुलं आणायची सजावट करायला., ती सुकतसुद्धा नाहीत., कशाला ईतकी मेहनत घेतेस..?"  मला कसंसंच वाटतं ते. छान हिरवागार जरीकाठ शालू नेसणारीला हिरव्या पॉलिस्टरमध्ये गुंडाळल्यासारखं. छ्या्.! नुसतीच बनावटी शोभा. आई म्हणायची "घराभोवती चार फुलझाडं असलीत की घरातल्या हवेचा, वातावरणाचा पोत सुधारतो." पटतं मला ते. अहोंनी लग्नानंतर फिरायला कुठे जायचं विचारलं तेव्हा ही मी जिथे मस्त हिरवागार परिसर, शुद्ध मोकळी हवा असेल तिकडे न्या म्हटलं. तेव्हाही केरळ डोळ्यांत साठवून घेतलं. गावी आल्यावर सुद्धा तेच करते. वर्षभरासाठी ती हिरवळ, स्वच्छ नितळ व...
Read more

#तात्याविंचू #बाबाचमत्कार #ओमफट्स्वाहा

Image
#तात्याविंचू #बाबाचमत्कार #ओमफट्स्वाहा लहानपणी शेजारच्या एका कडे नवीन टिव्ही आणी केबल चँनल आले होते. आम्ही सगळ्या मुलांनी एकत्रच  'झपाटलेला' बघितला. आणी सगळ्या पोरांवर तात्याविंचू स्वार झाला. मी 'बाबा चमत्कार'चं म्हणणं जरा जास्तच सिरिअसली घेतलं. 'तात्या विंचू' सारखं आपणपण थोडे दिवस बाहुल्यात राहायला जावं वाटायला लागलं.तसं माझी एकुलती एक आवडती बाहुली घेऊन आमच्या खाटेखाली जाऊन लपले. वनरुमकिचनच्या घरात हिच एक जागा माझी आवडती होती. बाहुलीच्या अंगावर हात ठेवून सुरु केलं "ओम भग भुगे भग्नी भागोदरी............ओम फट् स्वाहा...." तिनदा म्हणायचा होता मंत्र. पण दुसऱ्या मंत्रौच्चारालाच आईने खाटेचा झालरवाला पडदा सरकवून आत वाकून बघितलं. (मी मोठ्यानं मंत्र म्हणत होते तो तिने ऐकला असावा.) बाहेरच्या लख्ख्ं प्रकाशातून आतल्या अंधुक काळोखात तिला मी नाही दिसले. तरी सुद्धा तिच्या हाती लागु नये म्हणून मी जुन्या कपड्यांच्या बोचक्याच्या मागे जाऊन लपले. आई पडदा लावून निघून गेली तसा मी माझा कार्यक्रम पुन्हा सुरु केला. "ओम भगभुगे....."😂. पण त्या बाबाने म्हटल्य...
Read more